In la tarbiyeeyo qofka, qoyska iyo bulshada, lana kobciyo habdhaqanka waafaqsan Islaamka, bulshadana la gaarsiiyo nidaam dawladeed ka dhigta Islaamka marjaciyo lama gudbaan ah.

In la horumariyo bulshada dhan kasta, gaar ahaan in laga hortago jahliga, mudnaanta koowaadna la siiyo waxbarashada iyo barbaarinta.

In la taageero hay`adaha bulshada rayidka, sida ururada samafalka kuwa xirfadlayaasha iwm, si loo gaaro iskaalmaysiga iyo iskaashiga qaybaha bulshada ee kala duwan.

In lagu dadaalo sidii loo heli lahaa jawi suuro geliya horumar dhaqaale iyo adeegsiga tiknoloojiyada ayada oo la dhawrayo biiada iyo deegaanka.

Sare u qaadida wacyiga shacabka iyo ku adkaynta dhowridda anshaxa Islaamka iyo kan wadaniga ah, sida walaalnimada, xorriyada qofka, shuuraha, cadaaladda, saraynta sharciga iwm.

In laga shaqeeyo joojinta dagaalada sokeeye, lana horjoogsado wax kasta oo bulshada kala gaynaya, ayada oo la xoojinayo wadanoolaanshaha bulshada, sinaanta iyo walaaltinimada, lana tirtirayo dulmiga.

In la daryeelo qoyska iyo caruurta, iyo tixgelinta haweenka iyo dhowrista xuquuqdooda.

In la taabbageliyo adeegyada bulshada sida waxbarashada, caafimaadka iwm.

In la hirgeliyo xasiloonida siyaasadeed, horumarinta bulshada iyo dhaqaalaha ee Geeska Afrika

In la xoojiyo iskaashiga shacabwaynaha dunida ka dhexeeya, gaar ahaan shucuubta Islaamka, Carabta iyo Afrika.

In la ciribtiro dhammaan noocyada kala duwan ee isticmaarka, dulmiga bulshada iyo ixtikaarka hantida; iyo difaaca arrimaha ka dhexeeya umadaha sida nabadda guud ee dunida, ilaalinta deegaanka iyo xurmaynta Bani`aadamka & dhowrida xorriyadda.